 Benazir Bchuta |
Benazir Bchuta — lider Pakistanskaj narodnaj partyi — zajaviła pra heta ŭ interviju francuskamu časopisu Paris Match praź niekalki hadzin paśla taho, jak kamikadze ździejśniŭ vybuch kala jaje kartežu. Pavodle apošnich źviestak, kolkaść zabitych i pamierłych vyrasła da 136, niekalki sotniaŭ čałaviek dastaŭleny ŭ bolnicy.
Pavodle Benazir Bchuta, jakaja nie paciarpieła pa ščaślivym źbiehu abstavin (u momant vybuchujana była ŭ aŭtobusie), isłamskija ekstremisty naŭrad ci zmahli b biez čyjoj‑niebudź dapamohi ažyćciavić akcyju.
U čaćvier Bchuta viarnułasia ŭ Pakistan paśla vaśmi hadoŭ dobraachvotnaha vyhnańnia. B. Bchuta damoviłasia z prezydentam krainy Pervezam Mušarafam pra padzieł ułady.
Niekalki dziasiatkaŭ tysiač pakistancaŭ vyjšli na vulicy Karačy vitać viartańnie byłoha premjer-ministra, dzie i ździejśniŭ terakt teraryst-śmiarotnik.
***
Pakul nichto nie ŭziaŭ na siabie adkaznaści za hety zamach. Pavodle adnoj z versij heta mahli ździejśnić bajeviki, źviazanyja ź plamionami, što žyvuć la aŭhanskaj miažy. Siarod hetych plamionaŭ mocny ŭpłyŭ Al‑Kaidy i talibaŭ.
Benazir Bchuta padtrymlivaje ZŠA ŭ vajnie suprać teraryzmu; jana zajaviła, što viartajecca ŭ Pakistanie, kab zmahacca z teraryzmam.
Azif Ali Zardary, muž Benazir Bchuta, abvinavaciŭ pakistanskija specsłužby ŭ datyčnaści da zamachu na svaju žonku.
Prezydent Pakistanu Pervez Mušaraf nazvaŭ vybuchi ŭ Karačy «zmovaj suprać demakratyi». Jon patelefanavaŭ Benazir Bchuta i vykazaŭ joj spačuvańni.
ZŠA vystupajuć za ŭmacavańnie palityčnaha sajuzu pamiž Bchuta i Mušarafam, kab zachavać prazachodniuju aryjentacyju Pakistanu, što maje jadziernuju zbroju.
