Pra heta havorycca ŭ zajavie MZS Rasii, raźmieščanaj na jaho sajcie.
«U Rasiei ŭsie vielmi zaniepakojenyja apošnim raźvićciom padziej u Krymie.
U noč na 1 sakavika nieviadomymi ŭzbrojenymi ludźmi, nakiravanymi z Kijeva, była zroblena sproba zachopu budynku Ministerstva ŭnutranych spraŭ Aŭtanomnaj Respubliki Krym. U vyniku vierałomnaj pravakacyi jość paciarpiełyja. Dziakujučy rašučym dziejańniam atradaŭ samaabarony sprobu zachopu budynka MUS atrymałasia praduchilić. Apošniaje paćviardžaje imknieńnie viadomych palityčnych kołaŭ u Kijevie destabilizavać situacyju na paŭvostravie», — zajavili ŭ MZS RF.
«Zaklikajem tych, chto daje takija zahady z Kijeva, da strymanaści. Ličym vielmi biezadkaznym dalejšaje nahniatańnie i biez taho napružanaj abstanoŭki ŭ Krymie», — havorycca ŭ zajavie.
***
Jak paviedamlałasia, u noč na čaćvier 27 lutaha, nieviadomyja sa zbrojaj zachapili budynki Viarchoŭnaha savieta aŭtanomii i Savieta ministraŭ Kryma ŭ centralnaj častcy Simfieropala, padniaŭšy nad budynkami ściahi Rasii.
