Pasoł Ukrainy pry AAN Juryj Siarhiejeŭ nazvaŭ varjackim rašeńnie Savieta Fiederacyi Rasii ab uviadzieńni vojskaŭ na Ukrainu, paviedamlaje radyjo «Svaboda».
«Učora my jašče nie kazali adkryta, što heta akt ahresii, spadziejučysia, što rasijski bok vyjavić mudraść i spynicca. Zaraz jość nie tak šmat času, pakul nie budzie pastaŭleny podpis, dla taho, kab spynić hetaje varjactva», — zajaviŭ Siarhiejeŭ.
Taksama jon adznačyŭ, što rasijski bok ździajśniaje chryścijanski hrech napiaredadni Vialikaha postu.
«Zamiest taho, kab malicca za nas i dapamahčy vyrašyć kryzisnyja prablemy, jakija paŭstali nie tolki za apošnija try miesiacy, hetyja prablemy ŭžo šmat hadoŭ va Ukrainie, dyk voś zamiest taho, kab malicca za nas, jany prahałasavali, kab zabivać nas», — adznačyŭ pasoł Ukrainy.
Raniej Saviet Fiederacyi adobryŭ uviadzieńnie rasiejskich vojskaŭ u Krym.
