AAT «Biełaruśkalij» vyklučana sa składu Biełaruskaha dziaržaŭnaha kancerna pa nafcie i chimii.
Heta praduhledžana pastanovaj Savieta ministraŭ № 177 ad 28 lutaha 2014 hoda, apublikavanaj na Nacyjanalnym pravavym internet-partale.
Jašče adnoj pastanovaj urada, № 178 ad 28 lutaha 2014 hoda, pradstaŭnikami dziaržavy ŭ orhanach kiravańnia «Biełaruśkalija» pryznačany ministr ekanomiki Mikałaj Snapkoŭ, staršynia Dziaržaŭnaha kamiteta pa majomaści Hieorhij Kuźniacoŭ, namieśnik ministra finansaŭ Maksim Jermałovič, namieśnik ministra zamiežnych spraŭ Alaksandr Hurjanaŭ.
AAT «Biełaruśkalij» źjaŭlajecca adnym z najbujniejšych vytvorcaŭ i eksparcioraŭ kalijnych uhnajeńniaŭ u śviecie. Pavodle danych Mižnarodnaj asacyjacyi ŭhnajeńniaŭ, na jaho dolu prypadaje siomaja častka suśvietnaha abjomu vytvorčaści kalijnych uhnajeńniaŭ.
