Pra heta jon sam raspavioŭ radyjostancyi «Echo Moskvy» paśla sustrečy z kiraŭnictvam VNU. Nahadajem, raniej Zubavu paviedamili, što ŭ kiraŭnictvie VNU niezadavolenyja artykułam Zubava ŭ haziecie «Viedomosti», u jakim jon krytykuje pazicyju Rasii pa staŭleńni da Ukrainy.
Pa słovach prafiesara, jamu prapanavali abo napisać zajavu pa ŭłasnym žadańni, abo čakać, kali jaho zvolniać pa artykule.
U ŚMI pačałosia hučnaje abmierkavańnie, i mienavita heta, na dumku Andreja Zubava, dapamahło jamu paźbiehnuć zvalnieńnia. Adnak jaho kalehi vykazali jamu abureńnie z-za artykuła ŭ «Viedomostiach».
Nahadajem, u artykule Zubaŭ paraŭnaŭ dziejańni rasijskich uładaŭ z dałučeńniem Aŭstryi da Treciaha Rejchu ŭ 38-m hodzie i papiaredziŭ pra ciažkija nastupstvy ŭvodu rasiejskich vojskaŭ u Krym.
Andrej Zubaŭ — doktar histaryčnych navuk, na jaho rachunku 5 manahrafij i kala 150 navukovych prac.
