Rasijskija vajskoŭcy zaminiravali dambu kala nasielenaha punkta Rumšyna. Pra heta na svajoj staroncy ŭ Fejsbuku napisaŭ kiraŭnik Centra vajenna-palityčnych daśledavańniaŭ Dźmitryj Cimčuk.
«Miniravańnie akupantami miascovaści ŭ rajonie Čonhar nabyvaje ŭsio bolšy razmach. Siońnia ranicaj vyjaŭleny fakt miniravańnia damby pablizu nasielenaha punkta Rumšyna», — paviedamiŭ jon.
Akramia taho, pa infarmacyi Cimčuka, u niadzielu ranicaj pradstaŭniki samaabvieščanaj krymskaj ŭłady vyłučyli ultymatum kamandavańniu ŭkrainskaha Jeŭpataryjskaha zienitna -rakietnaha pałka.
«Jany patrabujuć, kab da 20.00 ŭkrainskija vajennyja zdali zbroju. U advarotnym vypadku imi budzie ažyćcioŭleny šturm častki», — śćviardžaje jon.
Cimčuk taksama raspavioŭ, što pablizu znachodziacca rasiejskija vajennyja, jakija zapeŭnivajuć, što ŭ vypadku akazańnia supracivu ŭkraincami taksama prymieniać siłu.