 |
Relihija źjaŭlajecca samym usprymalnym arhanizmam hramadstva. Takuju dumku vykazaŭ siońnia Mitrapalit Minski i Słucki Fiłaret, Patryjaršy Ekzarch usiaje Biełarusi pierad udzielnikami druhoha dysputu, pryśviečanaha pamiaci Iahaniesa Rau, na temu «Palityčnaja i ekanamičnaja transfarmacyja ŭ Jeŭropie na prykładzie ziamli Brandenburh», jaki adkryŭsia ŭ Minskim mižnarodnym adukacyjnym centry imia Iahaniesa Rau.
Pavodle słoŭ pradstajaciela Biełaruskaj pravasłaŭnaj carkvy, «sapraŭdnaje stanovišča spraŭ u čałaviečym hramadstvie abvierhła zaviedama pamyłkovaje, ale raspaŭsiudžanaje mierkavańnie, što śfiery palityki, ekanomiki i relihii raździeleny pamiž saboj».
Mitrapalit Fiłaret skazaŭ, što ciapier kultury śvietu majuć usio bolš ciesnyja kantakty adna z adnoj u hetych śfierach. Jon ličyć, što, niahledziačy na aficyjnuju siekularyzacyju, unutranyja tradycyi jeŭrapiejskaha hramadstva tryvała zasnavany na chryścijanskaj kultury. Heta, pavodle jaho słoŭ, datyčycca nie tolki takich paniaćciaŭ, jak asoba, svaboda, rozum, ale i ahulnačałaviečych pravoŭ, demakratyi i hramadzianskaj adkaznaści. Chryścijanskaja carkva źjaŭlajecca asnovaj, jakaja akazvaje vialiki ŭpłyŭ na budaŭnictva ahulnajeŭrapiejskaha doma, ličyć śviaščennasłužyciel.
