Takoje rašeńnie pryniaŭ Alaksandr Łukašenka na admysłovaj naradzie. Łukašenka padkreśliŭ, što «Dažynki» «z'ŭlajucca karysnymi». «Tam, dzie prajšli kirmašy, paśla hetaha zastavaŭsia dobry śled dla naroda. U hetym kaštoŭnaść hetaha fiestyvalu. Ale budziem ščyryja, što jość i peŭnyja niedachopy ŭ hetym pracesie ŭ toj formie i ŭ tym vyhladzie, u jakim my heta pravodzili», - zaznačyŭ Łukašenka.
Tym nie mienš, kiraŭnik Biełarusi ŭnios prapanovu, što ciapier najlepšych ahraryjaŭ krainy buduć uznaharodžvać u pačatku kalandarnaha hoda ŭ Pałacy niezaležnaści, a nie na respublikanskim feście-kirmašy ŭ vieraśni.
Na bazie ahraharadkoŭ buduć pravodzicca rajonnyja «Dažynki». Taksama zastanucca abłasnyja. A voś respublikanskich bolej nie budzie.
U paviedamleńni ahienctva BIEŁTA ničoha nie skazana, ci adbuducca jašče sioleta respublikanskija «Dažynki», miescam praviadzieńnia jakich anansavaŭsia Haradok.
Pieršyja respublikanskija «Dažynki» prašli ŭ 1996-m u Stolinie. Paśla hetaha miescam ich praviadzieńnia vybirali jašče Škłoŭ, Masty, Maładziečna, Horki dy inšyja harady. Kožny raz da Dažynak rajcentry atrymlivali šmatmiljardnyja inviestycyi ŭ infrastrukturu i sackultbyt.
