Pa infarmacyi UUS Viciebskaha abłvykankama, kala druhoj hadziny ŭnačy ŭ milicyju patelefanavaŭ viaskoviec i paviedamiŭ, što kiroŭca «Aŭdzi» jeździć napadpitku pa vioscy Kubličy. Tudy nakiravali supracoŭnika DAI i ŭčastkovaha inśpiektara. Kali «Aŭdzi» spynili, kiroŭca kinuŭsia ŭciakać. Za im pabieh DAIšnik. Učastkovy ž zastaŭsia kala mašyny, ź jakoj vyjšli pjanyja pryjacieli. Jany pasprabavali pavalić milicyjanta i stuknuli.
Učastkovy, kab abaranicca, niekalki razoŭ streliŭ u pavietra, a zatym prycelna — u adnaho z napadnikaŭ.
Zaviedziena kryminalnaja sprava za hvałt albo pahrozu ŭžyvańnia hvałtu ŭ adnosinach da supracoŭnika ŭnutranych orhanaŭ. Zatrymanyja chłopcy 1985 i 1990 hadoŭ naradžeńnia.
0
0
0
0
0
0
