Siońnia kiraŭnika Charkaŭskaj vobłaści Michaiła Dobkin vyklikali na dopyt u HPU (Hienprakuratura), dzie jon pravioŭ dźvie hadziny.
Z budynka Hienprakuratury Dobkin tak i nie vyjšaŭ, a jaho advakat paviedamiła, što jon aryštavany i nakiravany ŭ SIZA zhodna z pastanovaj Šaŭčenkaŭskaha rajsuda ad 1 sakavika.
Jamu pradjaŭlena padazreńnie ŭ ździajśnieńni naŭmysnych dziejańniaŭ pradstaŭnikom ułady, što vyjaŭlajecca ŭ publičnych zaklikach da źmieny miežaŭ terytoryi Ukrainy i parušeńnie paradku, ustanoŭlenaha Kanstytucyjaj Ukrainy.
Siońnia Dobkin znachodzicca ŭ SIZA, a zaŭtra ŭ Šaŭčenkaŭskim rajsudzie Kijeva budzie razhladacca miera strymańnia. Chutčej za ŭsio HPU budzie nastojvać na utrymańniem Dobkina pad vartaj.
«Ja mahu skazać, što Michaił Dobkin — hramadzianin Ukrainy i nikoli nie vykazvaŭsia, u maim razumieńni, za parušeńnie Kanstytucyi abo za pieradzieł Ukrainy», — prakamientavaŭ zatrymańnie Dobkina mer Charkava Hienadź Kiernies.
Hladzi taksama: Dopy i Hiepy, abo Chto i jak davioŭ Ukrainu da bankructva i razvału
