Hledziačy na toje, jak Majkł Fasbender śviatkuje ŭznaharodu «Oskaram» «Dvanaccaci hadoŭ niavolnictva», ciažka ŭjavić: prajšło ŭsiaho tolki siem hod z času, jak my ŭpieršyniu ubačyli hetaha irłandskaha akciora ŭ vobrazie mužnaha spartanca ŭ filmie «300».
U hetaj stužcy režyser Zak Snajder zdoleŭ nievierahodnym čynam pradstavić Staražytnuju Hrecyju niesapraŭdnaj, ale hipnatyčnaj i čaroŭnaj realnaściu. Niemažliva stylovaja sumieś komiksa i kampjutarnaj hulni, jakoj źjaŭlajecca «300», była pryrakavanaja da pośpiechu. Hety chit adčyniŭ Fasbenderu dźviery da inšych bliskučych mahčymaściaŭ (ŭklučna z doŭhaterminovym supracoŭnictvam sa Styvam MakKuinam), aDžeraldu Batłeru – ŭ dantaŭski čyściec ź niezapaminalnych rolaŭ u pravalnych praektach.
«300: uzdym Impieryi» — heta chutčej nie sikveł, a paralelnaja historyja. Jana raspaviadaje pra zmahańnie hreckich vojskaŭ pad kiraŭnictvam Afinaŭ ź piersami. Padziei adbyvajucca ŭ toj ža čas, kali car Leanid i jaho 300 spartancaŭ addajuć svaje žyćci pad Fiermapiłami.
Ciažka čakać naradžeńnia novych akciorskich zorak u takoj fiejeryi pramovaŭ i batalnych scenaŭ, jakoj źjaŭlajecca «Uzdym Impieryi», ale prynamsi adna rola zasłuhoŭvaje pilnaj ŭvahi krytykaŭ: heta Eva Hryn. Jana z takoj pierakonvajučaj žorstkaściu i kryvažernaściu vykonvaje rolu piersidskaha hienija marskich batalij Artemisii, što dla paŭnaty vobrazu joj nie chapaje tolki vampirskich kłykoŭ (i truny dla adpačynku).
U «Uzdymie Impieryi» Artemisija i jaje fłot dasłanyja boham-carom Kserksam (Radryha Santora), kab pieramahčy Hrecyju i adpomścić za śmierć baćki Kserksa – Daryja. Apošni, darečy, byŭ zabity ciapierašnim kiraŭnikom hreckich vojskaŭ – afinianinam Femistokłam. Zabiahajučy napierad možna paviedamić, što piersidski płan nie budzie paśpiachovym.
Zasnavany na hrafičnaj navele Frenka Milera, «Uzdym Impieryi» adaptavany izrailcianinam Noamam Murro u Snajderaŭskim styli: kryvavyja marskija batalii pierapyniajucca varyjacyjami šekśpiraŭskaj pramovy Hienrycha V, i znoŭ źmianiajucca manachronymi scenami z kryvavymi ŭsploskami, adrubańniami hałovaŭ ŭ słou-mo i inšymi rečami ŭ styli aryhinała.
Pry hetym, sproba zachapić hledača hieraičnym zmahańniem śmiełych Afinian, što imknucca abjadnać Hrecyju ŭ spravie abarony demakratyi, niahledziačy na ŭsie namahańni Stepłtana, vidavočna pravaliłasia. Adna z pryčynaŭ hetaha ŭ tym, što akciory razhladajucca im nie bolš jak aholenaja hara muskułaŭ.
Dziŭna dla franšyzy, zasnavanaj na mužčynskich bicepsach i mačyźmie, ale mienavita žanočyja roli majuć najbolšy ŭpłyŭ: Alena Chidzi ŭ roli karalevy Sparty Harho vykarystoŭvaje na poŭnicu adviedzieny joj abmiežavany čas na ekranie i ŭ jaje heta atrymlivajecca tak ža surjozna i hłyboka, jak i ŭ jaje antahanista ŭ vykanańni Evy Hryn.
Niahledziačy na svaje komiksnaje pachodžańnie, «Uzdym Impieryi» moža być čym zaŭhodna, ale nie siamiejnym filmam. U dadatak da patokaŭ kryvi, što lijucca z ekrana, film utrymlivaje ahresiŭnuju seksualnaść, što miažuje z vyčvarenstvam, uklučna ź niedarečna-śmiešnaj scenaj cialesnych žarściaŭ pad pałubaj i dzivavatym momantam intymnaj blizaści pamiž klučavym charaktaram i adsiečanaj hałavoj. Jak možna takoje pakazvać surjozna? «Uzdym Impieryi» sprabuje, ale čym dalej, tym niedarečniej heta vyhladaje.
