16 sakavika padčas imšy ŭ pastaŭskim kaściole Biezzahannaha Začaćcia Najśviaciejšaj Panny Maryi i sv. Antonija Paduanskaha biskup Viciebski Aleh Butkievič abviaściŭ viernikam svajo rašeńnie ab arhanizacyi novaj parafii ŭ Pastavach i pabudovie novaha kaścioła.
Novaja śviatynia budzie mieć tytuł Jezusa Miłasernaha, jak i kafiedralny kaścioł u Viciebsku.
Historyja ciapierašniaj parafii ŭ Pastavach uzychodzić da 1522 h., kali tut byŭ pabudavany draŭlany kaścioł Maci Božaj. Paśla Druhoj suśvietnaj vajny ŭ kaściole zrabili skład, potym pradpryjemstva. U mai 1988 h. śviatyniu viarnuli i adnavili supolnymi namahańniami.