Rektar Biełaruskaha dziaržuniviersiteta Siarhiej Abłamiejka zrabiŭ videazvarot da kalehaŭ i studentaŭ, pryśviečany prablemie sintetyčnych narkotykaŭ.
Siarhiej Abłamiejka adznačyŭ, što hetaja biada pryjšła nie tolki ŭ krainu, ale i va univiersitet.
«Narkotyki stanoviacca novymi, sintetyčnymi i vielmi niebiaśpiečnymi dla ŭsich nas. Niadaŭna my zhubili studentku, jakaja była majstram sportu, vydatnicaj, jakaja nie zmahła zaścierahčysia ad hetaj biady. Heta ahromnistaja biada, suprać jakoj my razam pavinny paŭstać», — kaža rektar.
Jon paviedamiŭ, što ŭ internecie zapuščany prajekt «Pierachop». Kožny moža ananimna paviedamić pra ŭsie vypadki ŭžyvańnia abo raspaŭsiudu narkotykaŭ, jakija daviałosia pabačyć. Taksama śpiecyjalnaja hrupa stvoranaja Biełdziaržuniviersitetam «Ukantakcie». U Tvitary možna dzialicca infarmacyjaj pad chešteham «#pieriechvat».
«Kali vy bačyli kaleh, jakija ŭžyvajuć narkotyki, nie zamoŭčvajcie, davajcie znać», — zaklikaje spadar Abłamiejka.
