Ukraina nie razhladaje pytańnie ab adnaŭleńni arsienałaŭ jadziernaj zbroi i paćviardžaje svaje abaviazacielstvy jak biaźjadziernaj dziaržava.
Pra heta zajaviŭ ministr zamiežnych spraŭ Ukrainy Andrej Dzieščyca na bryfinhu padčas Samitu pa jadziernaj biaśpiecy ŭ Haazie.
«Pazicyja ciapierašniaha ŭkrainskaha ŭrada zaklučajecca ŭ tym, kab paćvierdzić našy abaviazacielstvy pa pahadnieńniach ab nieraspaŭsiudžvańni (jadziernaj zbroi) jak biaźjadziernaj dziaržavy», - skazaŭ Dzieščyca.
Pa słovach ministra, abnaŭleńnie arsienałaŭ jadziernaj zbroi nie dapamoža naładzić stabilnyja partniorskija adnosiny i tolki pryniasie pahrozu rehijonu.
«Heta niebiaśpieka dla nas i niebiaśpieka dla rehijonu. I heta nie dapamoža pačać dyjałoh, tamu što pahrozy - nie toj mietad, z dapamohaj jakoha vy možacie pierakanać ludziej», - zajaviŭ jon.
Akramia taho, Dzieščyca adznačyŭ, što Ukraina i Rasija mohuć budavać adnosiny na mirnaj asnovie, ale Ukraina nikoli nie admovicca ad Kryma jak častki svajoj terytoryi.
«My ličym, što my možam mirna suisnavać, ale my nikoli nie addamo Krym»,
- skazaŭ jon.
Ministr adznačyŭ, što Ukraina budzie ŭzmacniać svaje sproby vyrašyć hetaje pytańnie ŭ čas dvuchbakovych sustreč i na mižnarodnym uzroŭni.
Jon vykazaŭ nadzieju, što z dapamohaj sumiesnych ź mižnarodnaj supolnaściu mier Ukrainie ŭdasca viarnuć poŭny kantrol nad Krymam.
