UNIAN
Lidarka partyi «Baćkaŭščyna» Julija Cimašenka ŭ svaim mikrabłohu ŭ Tvitary pryznała fakt telefonnaj razmovy z deputatam parłamienta Ukrainy ad Partyi rehijonaŭ Niestaram Šufryčam, adnak zajaviła, što častka zapisu hetaj razmovy była zmantažavanaja i sfalšavanaja.
Padsłuchany zapis razmovy raźmiaściŭ u JUTubie nieviadomy rasijski karystalnik, a rastyražavaŭ rasijski prapahandyscki kanał RT.
«Razmova była, ale ab vaśmi miljonaŭ rasiejcaŭ va Ukrainie — mantaž. Na samaj spravie ja skazała: rasiejcy va Ukrainie — heta ŭkraincy», — napisała Cimašenka ŭ Tvitary. Pa jaje słovaŭ, razmova adbyłasia 18 sakavika — u dzień, kali Pucin uračysta abvieściŭ pra anieksiju Kryma.
U zapisie dvuchchvilinnaj razmovy žanočy hołas zajaŭlaje: «Heta ŭžo pierachodzić usie miežy ŭvohule. Blin, treba brać zbroju ŭ ruki i iści mačyć, hetych, blin, kacapaŭ čortavych razam ź ich kiraŭnikom. Škada, što ja nie mahu ciapier znachodzicca tam i nie ŭznačalvała ŭsie hetyja pracesy. Chren by jany ŭ mianie Krym atrymali».
U svaju čarhu, mužčynski hołas kaža: «Ja aficer zapasu i moj staršy syn aficer zapasu, i my taksama hatovyja brać aŭtamaty i iści vajavać. I ja dumaju, kab ty była pry ŭładzie, to hetaha nie zdaryłasia b».
Žanočy hołas abiacaje «padniać uvieś śviet i zrabić usio, što tolki zmahu», kab zamiest Rasii zastałasia «vypalenaja ziamla».
«Kacapami» ŭ prastamoŭi ŭ Biełarusi i Ukrainie nazyvajuć rasiejcaŭ.
