Nazirajučy za padziejami ŭ Krymie, žychary Litvy nie pačuvajucca ŭ biaśpiecy. 87% žycharoŭ vialikich haradoŭ ŭpeŭnienyja, što Rasija znoŭ moža sprabavać akupavać Litvu ci niejkuju jaje častku.
Jak śviedčać dadzienyja apytańnia, praviedzienaha 18—20 sakavika pavodle zakazu časopisa Veidas kampanijaj Prime consulting, hetaja pahroza, na dumku bolšaści haradžan Litvy, całkam realnaja.
U toje, što Rasija pradstaŭlaje dla Litvy jakuju-niebudź pahrozu, nie vierać krychu bolš za 8% žycharoŭ vialikich haradoŭ. Jany pierakananyja, što Litvu abaraniaje NATA i tamu znachodzicca ŭ poŭnaj biaśpiecy.
Apytańnie taksama pakazała, što žychary Litvy adnaznačna nie padtrymlivajuć palityku prezidenta Rasii Uładzimira Pucina ŭ dačynieńni da Ukrainy.
Dziejańni Rasii ŭ Krymie nie padtrymlivajuć 78,2 % litoŭcaŭ.
Ź inšaha boku, Rasiju padtrymać u hetych adnosinach schilna taksama niemałaja kolkaść žycharoŭ Litvy — prykładna kožny piaty.
