Ab hetym zajaviŭ eks-ministr zamiežnych spravaŭ Bałharyi i zasnavalnik Atłantyčnaha kłuba ŭ krainie Sałamon Pasi.
«Kali ŭ Zachadu nie budzie adekvatnaj reakcyi, to my možam čakać novych dziejańniaŭ z boku Pucina ŭ dačynieńni da inšych častak Ukrainy, Prydniastroŭja, a taksama i žamčužyny ŭ jaho karonie — Paŭnočnaha polusa», — dadaŭ Pasi. Na pytańnie, ci moža vypadak u Kosavie razhladacca jak precedent u dačynieńni da Kryma, Sałamon Pasi zajaviŭ, što «adzinaje ahulnaje pamiž Krymam i Kosavam toje, što jany pačynajucca ź litary K».
«U Kosavie adzin etnas ratavali ad hienacydu, źniščeńnia i prymusovaj departacyi, jon byŭ atakavany varjatam-dyktataram. U Krymie nie było ničoha takoha. Umiašańnie ŭ Kosava było padtrymanaje NATO, ES i dziasiatkami krain usiaho śvietu, a ŭ Krymie adnabakovaje ŭmiašańnie Rasii adbyłosia bieź mižnarodnaj padtrymki», — padkreśliŭ Pasi.
Jon zajaviŭ, što ŭviedzienyja ES sankcyi na peŭnych asob u Rasii — «pałavinistyja i simvaličnyja». I nahadaŭ, što ahulnaja palityka ES zaležyć ad «achviaravańnia Hiermanii, Vialikabrytanii i Francyi adnosinami z Rasijaj».
Pavodle jaho słovaŭ, anieksija Paŭdniovaj Asiecii i Abchazii ŭ 2008 hodzie ničoha nie źmianiła ŭ adnosinach pamiž NATO i Rasijaj, ale Zachad spałochaŭsia i nie zaprasiŭ Hruziju ŭstupić u NATO. Za hetuju pamyłku my raspłačvajemsia siońnia, padkreśliŭ Pasi.
Biez pašyreńnia NATO šerah zon Bałtyjskaha rehijona, Bałkan abo Čornaha mora čakaŭ by los Kryma, zajaviŭ Sałamon Pasi.
