Usie žychary Kryma, jakija nie majuć krymskaj rehistracyi na 18 sakavika 2014 hoda, ličacca «zamiežnymi hramadzianami» i pavinny da 19 krasavika vyjechać za miežy Rasii, kab zatym zajechać i na «zakonnych padstavach aformić vid na žycharstva».
Pra heta na pres-kanfierencyi ŭ Sievastopali zajaviła pradstaŭnik Fiederalnaj mihracyjnaj słužby Rasijskaj Fiederacyi Viktoryja Hičko.
Jana padkreśliła, što hramadzianami Rasii pryznajucca hramadzianie Ukrainy, jakija majuć pastajannuju rehistracyju na 18 sakavika, astatnija atrymajuć status «zamiežnych hramadzian», a zamiežnyja hramadzianie pavinny znachodzicca na terytoryi Rasii na zakonnych padstavach. «A raz u ich ciapier niama takich dakumientaŭ, im dajecca čas, kab jany pakinuli terytoryju, zatym zajechali ŭ Rasijskuju Fiederacyju i aformili ŭsie nieabchodnyja dakumienty», — paviedamiła Hičko.
Pa słovach pradstaŭnika FMS RF, pakinuć terytoryju nieabchodna na praciahu miesiaca z dnia padpisańnia Dahavora ab dałučeńni Krymu da Rasii, u advarotnym vypadku asoby, jakija ździejśnili pravaparušeńnie, «buduć pryciahvacca da administracyjnaj adkaznaści».
Jakoje mienavita pakarańnie pahražaje «zamiežnym hramadzianam» u vypadku parušeńnia hetaj pracedury, Hičko nie ŭdakładniła, spasłaŭšysia na vialiki abjom mihracyjnaha zakanadaŭstva Rasii, ale adznačyła, što ŭ kožnym kankretnym vypadku «buduć raźbiracca», ci było pravaparušeńnie i čamu ździejśniena.
«Moža, čałaviek pa stanie zdaroŭja nie zmoh vyjechać. Ja nie mahu zaraz havaryć ab tym, čaho jašče nie adbyłosia», — patłumačyła jana.