Livijskaje dziaržaŭnaje telebačańnie pakazała videazapis, na jakim adzin z synoŭ Muamara Kadafi z turmy prosić prabačeńnia ŭ naroda Livii.
«Ja prašu prabačeńnia u livijcaŭ i ja prašu prabačeńnia ŭ maich darahich bratoŭ ź livijskaha ŭradu za ŭsio zło, jakoje ja pryčyniŭ, za parušeńnie biaśpieki i stabilnaści Livii», — kaža Saadzi Kadafi.
Saadzi źbieh ź Livii za miesiac da taho, jak jaho baćka byŭ zabity paŭstancami ŭ kastryčniku 2011 hoda. 6 sakavika adbyłasia jahonaja ekstradycyja ź Nihiera ŭ Liviju.
Saadzi Kadafi kamandavaŭ siłami biaśpieki ŭ apošnija hady režymu. Fota Reuters.
Jaho abvinavačvajuć u zabojstvach demanstrantaŭ i ŭ inšych złačynstvach, učynienych padčas hramadzianskaj vajny ŭ Livii.
0
0
0
0
0
0