Novym prezidentam Słavakii abrany biespartyjny pradprymalnik Andrej Kiska. Pra heta na padstavie padliku hałasoŭ z usich učastkaŭ paviedamiŭ u niadzielu ŭ Bracisłavie pradstaŭnik centralnaj vybarčaj kamisii.
Za Andreja Kisku ŭ druhim tury vybaraŭ, jaki prajšoŭ u subotu, prahałasavali 59,4% vybarščykaŭ. Druhi kandydat — premje -ministr Robiert Fico — nabraŭ 40,6% hałasoŭ.
U pieršym tury, jaki adbyŭsia ŭ respublicy 15 sakavika, za Fico hałasavali 28% vybarščykaŭ, a za Kisku – 24%. Adnoj z pryčyn pieramohi Andreja Kiski ŭ druhim tury vybaraŭ analityki nazyvajuć toj fakt, što za jaho zaklikali hałasavać svaich prychilnikaŭ niekalki kandydataŭ u prezidenty, jakija vybyli z prezidenckaj honki paśla pieršaha tura.
Novy prezident Słavakii naradziŭsia ŭ 1963 hodzie ŭ horadzie Poprad. Paśla zakančeńnia elektratechničnaha fakulteta Słavackaha techničnaha univiersiteta ŭ Bracisłavie jon na paŭtary hady źjechaŭ u ZŠA. U 1996 hodzie staŭ adnym z zasnavalnikaŭ firmy Tatracredit, prybytki ad jakoj lahli ŭ asnovu jaho šmatmiljonnaha kapitału.
Andrej Kiska ličyć, što prezident «pavinien źjaŭlacca aktyŭnaj suprać vahaj uradu». «Ništo nie spynić mianie ad namahańniaŭ pa pieraŭtvareńni Słavakii», — abiacaŭ jon svaim vybarščykam pierad vyrašalnym druhim turam.
