Michaił Chadarkoŭski atrymaŭ vid na žycharstva ŭ Šviejcaryi, paviedamlaje ITAR - TASS sa spasyłkaj na Fiederalnaje ŭpraŭleńnie pa spravach mihracyi.
Dazvoł byŭ vydadzieny 27 sakavika. Jak zajavili ŭ viedamstvie, eks-palitviazień abraŭ kanton Sankt-Halen, tamu što tam užo pražyvajuć jaho žonka i dzieci. Pradstaŭnik upraŭleńnia taksama vykazaŭ mierkavańnie, što Chadarkoŭski vybraŭ hety kanton dla pražyvańnia z-za «spryjalnaha režymu padatkaabkładańnia». Pra toje, što jon paprasiŭ vid na žycharstva stała viadoma ŭ siaredzinie sakavika.
Chadarkoŭski palacieŭ u Jeŭropu adrazu paśla vyzvaleńnia, u Šviejcaryi jon znachodzicca ŭžo niekalki miesiacaŭ. U pačatku studzienia jamu vydali šenhienskuju vizu terminam na try miesiacy, jakaja dazvoliła jamu pierajechać u Šviejcaryju ź Bierlina. Jon zajaviŭ, što nie płanuje viartacca ŭ Rasiju, pakul jamu nie harantujuć mahčymaść vyjechać za miažu.
Chadarkoŭski byŭ vyzvaleny z rasijskaj kałonii 20 śniežnia minułaha hoda paśla padpisańnia Uładzimiram Pucinym ukaza ab jaho pamiłavańni. Jon pravioŭ u źniavoleńni dziesiać hadoŭ. Sud pryznaŭ jaho vinavatym pa dvuch kryminalnych spravach.
