Heta pieršaje ŭ śviecie vydańnie takoha kštałtu.
Dla aŭtara novaj knihi raźviadzieńnie vožykaŭ — chobi. Biełaruskamoŭny prahramist z Šabanoŭ Michaił Dziatlik kaža: «Kniha całkam hruntujecca na maim ułasnym dośviedzie, heta robić jaje ŭnikalnym prajektam. Druhaja admietnaść hetaha dapamožnika — što jon apisvaje sposaby raźviadzieńnia mienavita biełaruskich vožykaŭ, jakija, jak viadoma, bolš drapiežnyja za zachodniejeŭrapiejskich ci skandynaŭskich. Ja zachaplajusia hetym chobi apošnija čatyry hady. Taki zaniatak asabliva karysny dla prahramistaŭ i ofisnaha pierasanała, jakija šmat času pravodziać za kampjutaram».
Kniha padzialajecca na try častki.
Častka pieršaja apisvaje pavadki biełaruskich vožykaŭ.
Druhaja častka — biasškodnyja sposaby adłovu vožykaŭ.
Treciaja častka pryśviečana pryručeńniu i hadavańniu vožykaŭ.
Pavał Kaściukievič, art-dyrektar kniharni «łohvinaŬ», kaža: «Nam spadabałasia ideja Michaiła. Pa-mojmu, kniha budzie vielmi karysnaja dla biełaruskamoŭnaj hramady. Ź jaje dapamohaj ludzi buduć lepš viedać i razumieć rodnuju pryrodu».
Kniha karystajecca vialikim popytam, za pieršy dzień było prodana čatyry asobniki, što davoli šmat pa ciapierašnim časie.
Aficyjnaja prezientacyja vydańnia pavinna adbycca na nastupnym tydni.
* * *
Hety artykuł byŭ apublikavany 1 krasavika jak žart.