Minskija słužby taksi napiaredadni chakiejnaha čempijanatu śvietu patrabujuć ad svaich kiroŭcaŭ prajści kursy anhlijskaj movy za svoj košt.
Pra heta partału TUT.BY paviedamili čytačy. U vypadku admovy rabotnikam nibyta pahražaje skasavańnie damovy z słužbaj taksi. Adnak znajści aficyjny dakumient, jaki dakładna ahavorvaŭ by hetaje pytańnie, pakul nie ŭdałosia.
Minski taksist Siarhiej Š. napisaŭ žurnalistam, što kiroŭcaŭ staličnaj słužby «Ałmaz» prymušajuć prajści kursy anhlijskaj movy ŭ peŭnaj firmie. Pa jaho słovach, kiraŭnictvu firmy važnaje nie viedańnie zamiežnaj movy, a mienavita siertyfikat peŭnaj firmy ab prachodžańni kursaŭ. Pry hetym kursy składajuć 2 zaniatki pa 2 hadziny. Košt kursaŭ — kala 250 tysiač rubloŭ.
Daviedacca, jaki mienavita dakumient ustalavaŭ abaviazkovaje prachodžańnie takich kursaŭ, žurnalistam pakul nie ŭdałosia. Nie vyklučana, što rašeńnie moža mieć tolki rekamiendacyjny charaktar.
Tym nie mienš, kursy, vierahodna, daviadziecca prajści supracoŭnikam ŭsich minskich słužbaŭ taksi. Pa słovach dyrektara navučalnaha centra «Beta Aŭta» Arcioma Štyćko, słužba «Ałmaz» prosta pačała navučać svaich taksistaŭ raniej, čym inšyja.
