Dziaržsakratar ZŠA Džon Kiery zajaviŭ, vystupajučy ŭ Sienacie, što ŭ sutyknieńniach na ŭschodzie Ukrainy prymajuć udzieł pravakatary i ahienty rasijskich śpiecsłužbaŭ, jakija byli nakiravany tudy z metaj «pasiejać chaos».
Pa słovach Kiery, Kreml maje namier skarystacca situacyjaj dla uvodu rasijskich vojskaŭ na terytoryju Ukrainy, jak heta było ŭ vypadku z Krymam.
«Pavinna być jasna, što Złučanyja Štaty Amieryki i našy sajuźniki biez vahańniaŭ vykarystoŭvajuć instrumienty dvaccać pieršaha stahodździa z tym, kab zaklikać Rasiju da adkaznaści za dziejańni padobnyja da XIX st», — zajaviŭ kiraŭnik Dziarždepa ZŠA.
Jak zajaviŭ Džon Kiery, mahčymaje vajennaje ŭvarvańnie abydziecca Rasii vialiki koštam. Novyja sankcyi z boku Vašynhtona zakranuć klučavyja haliny rasijskaj ekanomiki — bankaŭski, enierhietyčny, hornazdabyŭny i inšyja.
«Usie jany lažać na stale, i prezident Abama ŭžo padpisaŭ rasparadžeńnie ab realizacyi hetych dziejańniaŭ, kali Rasija nie spynić cisk i ahresiju na terytoryi Ukrainy», — padkreśliŭ amierykanski dziaržsakratar.
