U bližejšyja sutki, 12 krasavika, čakajecca pieramiennaja vobłačnaść. Pa paŭdniovaj pałovie krainy ŭ asobnych rajonach projduć nievialikija apadki, u asnoŭnym u vyhladzie daždžu. Unačy i ranicaj u asobnych rajonach krainy zhuścicca słaby tuman. Viecier paŭdniova-ŭschodni ŭmierany.
Minimalnaja tempieratura pavietra ŭnačy budzie vahacca ad -3°C pa paŭnočnym uschodzie da +4°C pa paŭdniovym zachadzie krainy; dniom pavietra prahrejecca da +8.. +14°C. Atmaśfierny cisk budzie padać.
13 krasavika, u niadzielu, nočču kraina ŭ asnoŭnym budzie znachodzicca pad upłyvam pola pavyšanaha atmaśfiernaha cisku, dniom nadvorje abumoviać ciopłyja niaŭstojlivyja pavietranyja masy z Zachodniaj Jeŭropy.
Dniom miescami projduć karotkačasovyja daždžy. Nočču i ranicaj u asobnych rajonach zhuścicca tuman. Viecier paŭdniovy, paŭdniova- zachodni ŭmierany. Tempieratura pavietra ŭnačy składzie +2.. +7°C, dniom słupki termomietraŭ pakažuć +11.. +17°C.
14 krasavika, u paniadziełak, praz terytoryju krainy čakajecca prachodžańnie frantalnych raździełaŭ z Bałtyjskaha mora. Na bolšaj častcy terytoryi krainy projduć karotkačasovyja daždžy. Viecier zachodni, paŭdniova-zachodni ŭmierany, dniom paryvisty.
Minimalnaja tempieratura pavietra nočču składzie +2..+7°C, dniom pavietra prahrejecca da +9.. +14°C.
