Eks-prezident Leanid Kučma ličyć, što fiederalizacyja razvalić Ukrainu, a ŭ ciapierašniaj situacyi mohuć dapamahčy tolki ZŠA i Zachad. Pra heta Kučma skazaŭ u intervju Radyjo «Svoboda».
«My bačym siońnia situacyju na paŭdniovym uschodzie Ukrainy, što tam surjozna zajmajucca rasiejskija struktury razam ź piataj kałonaj, jakaja jość va Ukrainie, kab abstanoŭku ŭ hetych rehijonach nakalić da krajnaści», — skazaŭ jon.
«Heta ŭ niejkaj miery atrymlivajecca, tamu što za hetym staić nie tolki ideałohija i abarona ruskamoŭnaha nasielnictva, ale i stajać bujnyja hrošy, u hetym taksama sumnievaŭ niama. Tak što my i tut spaźnilisia «, — skazaŭ jon
«Sposab siońnia adziny — heta Zachad i Złučanyja Štaty Amieryki. Rasija nie sadzicca za stoł pieramovaŭ z Ukrainaj i nie pryznaje lehitymnym toj ŭrad, jaki siońnia jość va Ukrainie. Ukrainskija mahčymaści tut praktyčna nulavyja», — padkreśliŭ Kučma.
Kamientujučy ideju fiederalizacyi Ukrainy, Kučma zajaviŭ:
«Ja liču, što heta takaja prapanova razburyć dziaržavu. U nas jość kavałak materyi, koŭdra, davajcie my parežam na kavałki, a potym pasprabujem jaje pašyć. Nikoli fiederacyja, davajcie pahladzim na suśvietny vopyt, nia rabiłasia źvierchu».
«Zaŭsiody maleńkija subjekty abjadnoŭvalisia dla abarony svaich intaresaŭ, kniastva i hetak dalej. A kab uziać ŭnitarnuju krainu padzialić na kavałki — heta adnaznačna pažadańnie Rasii i patuhi Rasii razvalić Ukrainu. Niachaj jany susiedziam svaim parajać, chto ŭ Mytnym sajuzie», — aburyŭsia jon.
