Hrupa kampanij «Juniviest-M» — biznes biełaruska-rasijskaha miljaniera Anatola Tarnaŭskaha, jaki ŭ 2012 hodzie paciarpieŭ ad sankcyj Jeŭrasajuza. U čorny śpis tady trapili «Juniviest-M», «Junis Ojł» i «Juniviest-BudInviest».
Tarnaŭski byŭ adnym z najbujniejšych naftatrejdaraŭ, ale apošnim časam skancentravaŭsia na budaŭnictvie. Jaho biznes kvitnieje pry ščylnym supracoŭnictvie z Prezidenckim spartyŭnym kłubam, jaki ŭznačalvaje Dźmitryj Łukašenka. A namieśnikam pa markietynhu hienieralnaha dyrektara «Juniviest-M» pracavała žonka Dźmitryja, Hanna Łukašenka.
«Juniviest-M» — tavarystva z abmiežavanaj adkaznaściu, tamu štokvartalnaja finansavaja spravazdača kampanii nie publikujecca. Zatoje dastupnyja hadavyja bałansy, jakija dazvalajuć adsačyć, jak paśla imklivaha rostu raźvićcio kampanii stała zamarudžvacca.
Pavodle buchhałtarskaha bałansa kampanii, vyručka «Juniviest-M» za 2012 hod składała $226 miljonaŭ, a ŭ 2013 hodzie jana źmienšyłasia da $27 miljonaŭ. Sukupny čysty prybytak taksama pamienšaŭ, choć i nie tak mocna — z $5,9 miljona da $5 miljonaŭ.