Jak paviedamlaje internet-partał tomin.by, nadzvyčajnaje zdareńnie adbyłosia ŭ adnoj z vajskovych čaściej u miascovaści Krasny Dvor pad Brestam. 35-hadovy zahadčyk składa ŭzbrajeńnia zabarykadavaŭsia ŭ adnym z pamiaškańniaŭ častki i pačaŭ stralać u dźviery.
Na miesca zdareńnia nieadkładna prybyli kiraŭniki siłavych viedamstvaŭ, bajcy adździeła śpiecyjalnaha pryznačeńnia, BTR, chutkaja dapamoha. Na pieramovy z praparščykam ź lakarni vyklikali jahonuju žonku, adnak jana nie dapamahła supakoić muža.
Paśla paŭnočy vajskoviec paprasiŭ u pieramoŭščykaŭ papić. Jamu pieradali šklanku z vadoj, u jakuju zasypali snatvornaje. Praź niejki čas strałok zasnuŭ. Na ščaście, pry zdareńni nichto nie paciarpieŭ.
Pra heta Jeŭraradyjo paviedamiŭ pres-sakratar Ministerstva abarony Uładzimir Makaraŭ: «Adzinaje, što mahu skazać: nichto nie paciarpieŭ, idzie raźbiralnictva».
