Amieryka nie choča vajny, ale tak prosta ŭmiešvacca va ŭkrainskija spravy nie dazvolić.
Maskva dobra razumieje, što amierykanskaja armija macniejšaja za rasijskuju. Pra heta zajaviŭ prezident ZŠA Barak Abama, paviedamlaje TSN.
Mienavita tamu Rasii, na jaho dumku, nie patrebny vajenny kanflikt sa Štatami. Nie choča vajavać i sama Amieryka, ale choča razumieć, što Maskva nie budzie ŭmiešvacca ŭ spravy takich krain, jak, naprykład, Ukraina. Kali Rasija ŭsio ž taki praciahnie destabilizavać situacyju va Ukrainie — buduć niepryjemnyja nastupstvy, jašče raz papiaredziŭ Abama.
Nahadajem, z 6 krasavika rasijskija dyviersijnyja hrupy i miascovyja sieparatysty pačali płanamiernyja zachopy budynkaŭ administracyj va ŭschodnich abłaściach Ukrainy, a taksama ŭpraŭleńniaŭ MUS i SBU.
U adkaz ułady Ukrainy pryniali rašeńnie ab pačatku antyterarystyčnaj apieracyi va ŭschodnich rehijonach krainy. Na Danbas pierakinuli vajennych i techniku.
15 krasavika ŭ vyniku apieracyi ŭkrainskich siłavikoŭ byŭ vyzvaleny zachopleny rasiejskimi dyviersantami i sieparatystami aeradrom horada Kramatorsk na poŭnačy Danieckaj vobłaści.
17 krasavika ŭkrainskija vajennyja adbili ataku sieparatystaŭ pad kiraŭnictvam aficeraŭ HRU na vajskovuju čaść u Maryupali na poŭdni Danieckaj vobłaści. Troje z tych, chto napadaŭ, byli zabityja, bolš za 60 zatrymanyja.
