Žychary Kijeva padali ŭ padatkovyja orhany 13,6 tys. dekłaracyj ab majomasnym stanie i dachodach na ahulnuju sumu 4,4 młrd hryŭniaŭ, pry hetym bolš za pałovu hetaj sumy — 2,6 młrd hryŭniaŭ — zadekłaravali 488 miljanieraŭ, jakija pražyvajuć u stalicy.
Pra heta paviedamili ŭ pres-słužbie Hałoŭnaha ŭpraŭleńnia Mindachodaŭ.
Pavodle paviedamleńnia, z ahulnaj sumy zadekłaravanych kijaŭlanami dachodaŭ u biudžet vypłačana 73,5 młn hryŭniaŭ padatku z dachodaŭ fizičnych asob, a abjom padatku, vypłačanaha miljanierami, skłaŭ 40 młn hryŭniaŭ.
Jak padkreślili ŭ viedamstvie, kolkaść miljanieraŭ u Kijevie vyrasła: u minułym hodzie ich było 304 čałavieki, a ich sumarny dachod skłaŭ 833,6 młn hryŭniaŭ.
U biahučym hodzie, pa infarmacyi HU Mindachodaŭ u Kijevie, bahaty kijaŭlanin zadekłaravaŭ 236,3 młn hryŭniaŭ dachodaŭ, atrymanych u 2013 hodzie, ź ich 189 młn hryŭniaŭ — ad prodažu nieruchomaści.
Z atrymanych dachodaŭ dekłarant užo zapłaciŭ u biudžet 9, 5 młn hryŭniaŭ padatku na dachody. U viedamstvie nie nazvali imia dekłaranta.
