Čyhunki Rasii, Ukrainy i Biełarusi ŭzhadnili letni hrafik ruchu ciahnikoŭ u Krym cieraz terytoryju Ukrainy, jaki pačnie dziejničać 1 červienia, paviedamiŭ RIA Novosti pradstaŭnik Rasijskich čyhunak.
«Uzhodnieny 25 nitak hrafika (technałohija ruchu ciahnikoŭ z uzhodnienym časam adpraŭleńnia i prybyćcia) cieraz Džankoj na 36 maršrutaŭ: 11 — rasijskich, 4 — krymskija, 2 — biełaruskija, 8 — ukrainskich. Buduć uzhodnienyja dadatkova jašče šeść nitak. Jašče siem nitak hrafika — cieraz Armiansk: 5 — ukrainskich, 2 — biełaruskija», — paviedamiŭ surazmoŭca ahienctva pavodle vynikaŭ uzhadnieńnia hrafika ruchu ciahnikoŭ cieraz terytoryju Ukrainy, jakoje adbyłosia na minułym tydni ŭ Minsku.
Pradstaŭnik RČ zaznačyŭ, što zaraz uzhodnieny hrafik cieraz Ukrainu ŭ znosinach z Krymam. «Ciaham hetaha tydnia buduć uzhadniać usie maršruty cieraz Ukrainu», — dadaŭ surazmoŭca ahienctva.
