Dakumienty Centralnaha archiva KDB Biełarusi ab spalenych nacystami biełaruskich vioskach adkryvajucca dla karystalnikaŭ, paviedamili ŭ archivie.
Centralny archiŭ Kamiteta dziaržaŭnaj biaśpieki pa damovie z departamientam pa archivach i spravavodstvie Ministerstva justycyi Biełarusi pačaŭ vyjaŭleńnie i abličboŭku dakumientaŭ dla elektronnaj bazy «Biełaruskija vioski, źniščanyja ŭ hady Vialikaj Ajčynnaj vajny».
Jana stvorana ŭ ramkach mižnarodnaha prajekta «Pavyšeńnie statusu vyratavanych žycharoŭ spalenych biełaruskich viosak» i raźmieščana na sajcie Nacyjanalnaha archiva Respubliki Biełaruś http://db.narb.by.
Pieršyja pieradadzienyja 57 dakumientaŭ (akty, daviedki, pratakoły dopytaŭ śviedak) raspaviadajuć ab złačynstvach, učynienych bataljonam SS Dzirlevanhiera ŭ hady vajny ŭ Biahomielskim, Białynickim, Łahojskim, Barysaŭskim i Uździenskim rajonach.
Hetaja praca budzie praciahnutaja, adznačyli ŭ archivie KDB.
