Znakamity chram Faru Vitaŭta adnoviać u Harodni z dapamohaj technałohii videamepinhu.
Pra heta paviedamiŭ načalnik hałoŭnaj upravy ideałahičnaj raboty, kultury i spraŭ moładzi Haradzienskaha abłvykankama Pavieł Skrabko. Znakamity chram «namalujuć» u načnym niebie 6 červienia, u dzień adkryćcia Ch Respublikanskaha fiestyvalu nacyjanalnych kultur.
Jak patłumačyŭ hałoŭny režysior fiestyvalu Uładzimir Siarhiejčyk, a 23.30 u skviery na Savieckaj płoščy pačniecca cyrymonija adkryćcia pamiatnaha znaka na miescy ŭzarvanaj bolš za 50 hadoŭ tamu Fary Vitaŭta. Abjomnyja vyjavy stvorać prosta ŭ pavietry z dapamohaj videamepinhu (3D-prajektavańnia abjektaŭ z dapamohaj śpiecyjalnych kampjuternych technałohij). Techničny bok aryhinalnaj zadumki ŭziałasia pravieści adna z haradzienskich kampanij.
Płanujecca stvaryć niekalki madelaŭ chrama, bo Fara Vitaŭta za svaju historyju nieadnarazova pierabudoŭvałasia. Malunki buduć stvarać, abapirajučysia na dakładnyja histaryčnyja źviestki, malunki i fatahrafii. Śviatynia paŭstanie pierad hledačami i jak katalicki, i jak pravasłaŭny chram. Viadučyja raskažuć historyju budaŭnictva i straty budynka. U peŭny momant cyrymonii adnačasova zahučać zvany hałoŭnych dziejnych chramaŭ Harodni. U cyrymonii voźmie ŭdzieł chor Haradzienskaj kapeły dy inšyja charavyja kalektyvy, prahučać carkoŭnyja śpievy.
Na miescy Fary Vitaŭta ŭstalujuć skulpturnuju kampazicyju ŭ vyhladzie paŭrazburanaj arki z pamiatnym nadpisam. Pomnik vyrablaje haradzienski skulptar Siarhiej Bildziuk.
Fara Vitaŭta była padarvanaja 29 listapada 1961 hoda. Heta byŭ samy vialiki chram Harodni. Jaho pabudavali na rasparadžeńnie kniazia Vitaŭta ŭ 1389 spačatku jak draŭlany, a pry Stefanie Batoryi, u ChVI stahodździ, katalickaja śviatynia stała muravanaj. Za svaju historyju kaścioł nie raz hareŭ. Paśla pažaru 1889 chram adnavili jak pravasłaŭny Śviata-Safijski sabor. U 1918 hodzie jaho znoŭ viarnuli katalikam, chram dziejničaŭ jak harnizonny kaścioł. Pierad źniščeńniem budynak vykarystoŭvaŭsia jak skład.
