Na praciahu 8 hadoŭ na RUP «Biełmiedpreparaty» dziejničała arhanizavanaja złačynnaja hrupa, jakaja vycyhaniła z pradpryjemstva nie mienš za 670 miljonaŭ rubloŭ.
Jak paviedamiła načalnik upraŭleńnia infarmacyi i hramadskich suviaziaŭ MUS krainy Kaciaryna Samusienkava‑Šelehava, uznačalvali hetuju kryminalnuju strukturu hałoŭny buchhałtar i namiesnik hienieralnaha dyrektara pradpryjemstva pa finansach i ekanomicy. Zruzumieła, što zaraz zavadatary afiery ŭžo nie zajmajuć svaich pasadaŭ.
Dyk voś, jak było ŭstanoŭlena Hałoŭnym upraŭleńniem papiaredniaha rasśledavańnia MUS Biełarusi, pamianionyja słužbovyja asoby razam z čatyrma pamahatymi (dvoje z ich pracavali na «Biełmiedpreparatach» buchhałtarami) prykładna ŭ 1998 hodzie stvaryli złačynnuju schiemu pa kradziažy hrošaj z rachunka pradpryjemstva.