«U čas vykanańnia słužbovych abaviazkaŭ, u chodzie štodzionnaha kantrolnaha ahladu inžyniernych zaharod, dvoje vajennasłužačych vajennaj słužby pa kantrakcie Uzbrojenych Sił Ukrainy atrymali ranieńni. Pavodle papiaredniaj infarmacyi, pryčynaj atrymańnia ranieńniaŭ staŭ vybuch nieviadomaj samarobnaj vybuchovaj pryłady», — havorycca ŭ paviedamleńni pres-słužby Minabarony.
Paśla akazańnia pieršaj miedycynskaj dapamohi na miescy zdareńnia, paciarpiełych vajennasłužačych na vajennym viertalocie Mi-8 nieadkładna adpravili ŭ Vajenna-miedycynski kliničny centr Paŭnočnaha rehijonu Charkava.
«Padčas transparciroŭki sałdat K. ad atrymanych traŭmaŭ skanaŭ. Małodšy siaržant H. znachodzicca ŭ reanimacyjnym adździaleńni. Stan jaho zdaroŭja vajennyja miedyki aceńvajuć jak siaredniaj ciažkaści, pahrozy žyćcia niama», — havorycca ŭ paviedamleńni.
Pryčyny i abstaviny zdareńnia ustaloŭvajuć pravaachoŭnyja orhany. Pryznačana słužbovaje rasśledavańnie.
