Suprać kamandziraŭ siłavych padraździaleńniaŭ adkryty kryminalnyja vytvorčaści za admovu adkryvać ahoń padčas antyterarystyčnaj apieracyi (ATA), kiraŭniki śpiecpadraździaleńnia SBU «Alfa» adchilenyja.
Pra heta paviedamiŭ v. a. kiraŭnika Administracyi prezidenta Ukrainy Siarhiej Pašynski.
Jon paviedamiŭ, što na siońnia Hienprakuraturaj raspačaty try kryminalnyja vytvorčaści ŭ dačynieńni da kamandziraŭ padraździaleńniaŭ, jakija va ŭmovach ATA admovilisia vykonvać zahady.
Taksama, pa słovach Pašynskaha, kiraŭnictva śpiecpadraździaleńnia SBU «Alfa» poŭnaściu adchilena za nievykanańnie bajavoha zahadu, i pa ich pravodzicca słužbovaje rasśledavańnie.
Akramia taho, pravodzicca słužbovaje rasśledavańnie ŭ dačynieńni da kiraŭnictva Hałoŭnaha ŭpraŭleńnia MUS u Łuhanskaj vobłaści.
