«Praviadzieńnie antyterarystyčnaj apieracyi ŭskładniaje toje, što sieparatystaŭ i terarystaŭ padtrymlivajuć miascovyja žychary ŭ Łuhanskaj i Danieckaj abłaściach, zajaviŭ v.a. prezidenta Ukrainy Alaksandr Turčynaŭ u efiry adnaho z telekanałaŭ u niadzielu, 4 maja.
«Situacyja ŭ Daniecku i Łuhansku radykalna adroźnivajecca ad situacyi ŭ inšych rehijonach Ukrainy. Zadaču pierad rasijskimi śpiecsłužbami stavili pa destabilizacyi situacyi ŭ mnohich rehijonach — i na poŭdni Ukrainy, i na ŭschodzie, i ŭ centry. U toj ža čas, realnyja vyniki jany atrymali mienavita na ŭschodzie Ukrainy — u Danieckaj, Łuhanskaj abłaściach», — skazaŭ Turčynaŭ.
«I ŭ pieršuju čarhu heta adbyłosia za košt taho, što mnohija miascovyja žychary, davajcie ščyra budziem kazać, padtrymlivajuć sieparatystaŭ i navat terarystaŭ, što značna ŭskładniaje praviadzieńnie antyterarystyčnaj apieracyi. Kali terarysty viaduć ahoń z žyłych šmatkvaternych damoŭ, to heta — kałasalnaja prablema», — adznačyŭ jon.
