Kansultant i lektar Paŭlus Kovas, za jakim u vychadnyja pryjechaŭ aŭtamabil taksi z hieorhijeŭskaj stužačkaj, publična vykazaŭ svajo niezadavalnieńnie. Paśla hetaha dyrektar kampanii taksi zrabiŭ peŭnyja zachady.
«Siońnia ja ŭpieršyniu sutyknuŭsia z «kałaradskim žukom» u Vilni. Ja vyklikaŭ taksi, my vyjšli na vulicu, i tut ja nie zmoh pavieryć svaim vačam — na mašynie byŭ rasijski ściah i kałaradskia stužačka», — napisaŭ u subotu Kovas u Facebook.
Dyrektar kampanii Taxilita Alaksandr Maliboha, taksi jakoj vyklikaŭ Kovas, skazaŭ, što havaryŭ z dyśpietčaram, jakaja pryznała, što klijent admoviŭsia jechać na «kałaradskaj» mašynie.
Dyśpietčar nie zrazumieła, što klijent maje na ŭvazie, kali jon patłumačyŭ, jana pryniesła prabačeńni. Dyśpietčar skazała, što ab vykliku inšaj mašyny havorki nie było. Paźniej toj ža numar patelefanavaŭ i vyklikaŭ inšuju mašynu.
«Dyśpietčar nie bačyć, ci jość na aŭto hetaja stužka, ale taksi — heta hramadski transpart, jaki pradastaŭlaje pasłuhi, u kožnaha kiroŭcy jość svajo mierkavańnie i jon moža jaho vykazać, ale ŭ hramadskim transparcie, na našu dumku, nijakich stužak być nie pavinna», — skazaŭ Maliboha.
Pavodle jaho słoŭ, kiroŭcam 5 maja paviedamili, što nijakaj atrybutyki, akramia rekłamy, na aŭtamabilach być nie pavinna.
«My dali dakładnaje ŭkazańnie i paprasili, kab kiroŭcy akazvali pasłuhi biez stužak. U volny ad pracy čas jany mohuć jeździć, jak chočuć «, — skazaŭ Maliboha.
«Raniej hetyja stužki vykarystoŭvalisia jak simvał 9 traŭnia, ale ciapier, na fonie takich padziej, u pracoŭny čas lepš, kab ich nie było» — praciahnuŭ pradprymalnik.
Maliboha pryznaŭ, što raniej na mašynach było bolš hieorhijeŭskich stužak, ale ciapier ad ich čakajuć bolšaj hramadzianskaści.
