Krab Piatrovič pačnie pradkazvać vyniki ladovych batalij z 8 maja, paviedamiŭ dyrektar minskaha centra akijanahrafii «Adkryty akijan» Alaksiej Azaraŭ.
U hety dzień kala 21.00 marski Nastradamus pradkaža, jakimi buduć vyniki matčaŭ Francyja-Kanada i Šviejcaryja-Rasija, što projduć 9 maja», — rastłumačyŭ Alaksiej Azaraŭ.
«Krab užo abžyŭsia ŭ śpiecyjalna stvoranym dla jaho akvaryumie, stylizavanym pad chakiejnuju placoŭku, kudy jaho pasialili ŭ suviazi z nabližeńniem ČS», — raskazaŭ dyrektar. — Pradkazvać vyniki matčaŭ Piatrovič budzie z dapamohaj mini-šajbaŭ z naniesienymi na vierchniuju i nižniuju płoskaści vyjavami ściahoŭ, pad jakimi vystupajuć kamandy-sapiernicy». Prahnoz spartyŭnaha pajadynku budzie zrobleny ŭ zaležnaści ad taho, jakim bokam krab pakładzie šajbu na poli. «Kali ściah budzie źvierchu — kamandzie pradkazana pieramoha, kali źnizu — paražeńnie», — rastłumačyŭ Alaksiej Azaraŭ.
Panazirać za žyćciom kraba Piatroviča i pracesam pradkazańniaŭ možna budzie na adnym ź biełaruskich internet-partałaŭ, dzie praktyčna ŭ kruhłasutačnym režymie (ź pierapynkami, abumoŭlenymi techničnymi pryčynami), budzie arhanizavana anłajn-tranślacyja z centra akijanahrafii.
Alaksiej Azaraŭ rastłumačyŭ, što ŭ čas pradkazańniaŭ da kraba nie buduć puskać čužych. «My pajšli na heta, kab prysutnaść ludziej nie mahła pieraškodzić Piatroviču skancentravacca i paŭpłyvać na jakaść prahnozaŭ», — rastłumačyŭ dyrektar minskaha centra akiejanahrafii.
