Załatuju ŭznaharodu na Jeŭrapiejskich Delfijskich hulniach atrymaŭ salist Nacyjanalnaha akademičnaha Vialikaha teatra opiery i baleta Pavieł Piatroŭ.
Śpiavak atrymaŭ zołata ŭ naminacyi «Akademičy śpieŭ» 6 maja ŭ Vałhahradzie, dzie adbylisia trynaccatyja maładziožnyja Delfijskija hulni Rasii, uklučanyja ŭ prahramu Hoda kultury ŭ Rasii, i pieršyja adkrytyja moładzievyja Jeŭrapiejskija Delfijskija hulni, jakija pravodziacca pad patranatam Mižnarodnaha Delfijskaha kamiteta i JUNIESKA.
Udzieł va ŭnikalnym spabornictvie — adzinym u śviecie, što abjadnoŭvaje ŭsie vidy mastactva — pryniali kamandy z usich rehijonaŭ Rasii, a taksama delehacyi z 26 krain śvietu. Usiaho ŭ Delfijskich hulniach pryniali ŭdzieł 2,5 tysiačy čałaviek.
Heta treciaja pieramoha maładoha salista biełaruskaha teatra Paŭła Piatrova na mižnarodnych konkursach. U 2013 hoda jon staŭ łaŭreatam druhoj premii VIII Mižnarodnaha konkursu vakalistaŭ imia Stanisłava Maniuški, u hetym ža hodzie — łaŭreatam pieršaj premii Mižnarodnaha konkursu opiernych vykanaŭcaŭ imia Maryi Biješu ŭ Kišyniovie.
Na scenie Vialikaha teatra Biełarusi Pavieł Piatroŭ vykonvaje partyi Lenskaha i Trykie ŭ opiery «Jaŭhien Aniehin» Čajkoŭskaha, Maładoha Cyhana ŭ «Aleko» Rachmaninava, Bierandzieja ŭ opiery «Śniahurka» Rymskaha-Korsakava, Franka i Ejlera ŭ mini-opiery «Dyrektar teatra».
