Mitrapalit Pavieł zaklikaŭ palitykaŭ «sieści za stoł pieramoŭ» i zrabić «usio mahčymaje, kab spynić nasille i krovapralićcie» va Ukrainie.
Na pres-kanfierencyi 13 maja ŭ Minsku Pavieł zajaviŭ, što situacyja va Ukrainie — «ahulny bol dla słavianskaha naroda». Pavodle jaho słoŭ, va Ukrainie zdoleli na «nizkich schilnaściach čałaviečaj pryrody pasvaryć ludziej». A kali «ludzi pačynajuć svarycca», to «ich potym ciažka spynić». Pravasłaŭnaja carkva molicca za toje, kab «Boh zamiryŭ ukrainski narod». «Sutyknuli ludziej pa intaresach: adnym paabiacali dobryja pierśpiektyvy, kali jany paviernucca na Zachad, inšym — kali paviernucca na Uschod», — skazaŭ mitrapalit Pavieł.
Pry hetym, padkreśliŭ pravasłaŭny ijerarch, bolšaści ludziej usio roŭna, «jakaja budzie ŭłada», a važna, kab była mahčymaść «pracavać, žyć spakojna i mirna ŭ ajčynie». «Ludzi ž z prezidentam nie razmaŭlajuć kožny dzień tak, jak razmaŭlajuć adzin z adnym, im usio roŭna, chto tam budzie naviersie. Treba, kab ludzi žyli mirna, u zhodzie, mieli chleb, dach nad hałavoj», — upeŭnieny jon.
«Jakaja im roźnica, dzie žyć, jakaja roźnica, jak kraina budzie nazyvacca?» — zajaviŭ kiraŭnik Biełaruskaha ekzarchatu Ruskaj pravasłaŭnaj carkvy.
«Biełaruś, Ukraina i Rasija — heta słavianski narod. U nas adny karani, relihija, viera, kulturnaja asnova, mova ŭvohule adna, jakaja ŭsim zrazumiełaja. Vy razumiejecie, nas palityki siońnia raździalili: tyja, chto žyŭ u Vialikaj Rusi, stali nazyvacca rasijanami, u Małoj Rusi — ukraincami, u Biełaj Rusi — biełarusami. Ale ž my ŭsie majem adny i tyja ž karani, my — słavianie», — padsumavaŭ mitrapalit Pavieł.
