Usie hramadskija aktyvisty, zatrymanyja pierad adkryćciom čempijanatu śvietu pa chakiei ŭ Minsku, učynili administracyjnyja pravaparušeńni, zajaviŭ ministr unutranych spraŭ Biełarusi Ihar Šunievič, razmaŭlajučy z žurnalistami 14 maja ŭ pałacie pradstaŭnikoŭ.
«Niama i być nie moža takoj definicyi, jak «previentyŭnaje zatrymańnie». Zatrymańni byli tych asob, jakija ŭčynili administracyjnyja pravaparušeńni — chulihanstva, niepadparadkavańnie supracoŭnikam milicyi i hetak dalej. Takija zatrymańni byli, jość i buduć praciahvacca», — zajaviŭ kiraŭnik MUS.
Nahadajem, napiaredadni adkryćcia i padčas čempijanatu śvietu pa chakiei ŭ Biełarusi, pieravažna ŭ Minsku, prajšli masavyja zatrymańni i aryšty hramadskich aktyvistaŭ. Pavodle infarmacyi pravaabaroncaŭ, aktyvistaŭ zatrymlivajuć pa sfabrykavanych i adnatypovych abvinavačańniach u drobnym chulihanstvie i niepadparadkavańni supracoŭnikam milicyi. Zatrymanych i aryštavanych užo bolš čym 30 čałaviek, niekatorych aktyvistaŭ apazicyi milicyja praciahvaje adšukvać. Pravaabaroncy źviazvajuć heta ź imknieńniem uładaŭ izalavać apazicyjnych aktyvistaŭ na čas praviadzieńnia čempijanatu śvietu.
