Chakiejnaja kamanda prezidenta Respubliki Biełaruś siońnia ŭ Minsku ŭ tavaryskim chakiejnym matčy atrymała pieramohu nad kamandaj «Lehiendy chakieja SSSR» ź likam 12:9.
Z samaha pačatku matču kamandy imknulisia hulać u aktyŭny atakujučy chakiej, pa čarzie abmieńvajučysia vostrymi vypadami i kidkami pa varotach praciŭnika. Pieršaj adkryć lik udałosia kamandzie prezidenta. Šajbu na šostaj minucie zakinuŭ napadajučy Andrej Kavaloŭ ź pieradačy Uładzimira Cypłakova.
Amal praz chvilinu lik na tabło staŭ 2:0 na karyść biełarusaŭ - halavy momant pa-majsterstku realizavaŭ Alaksandr Łukašenka ź pieradačy Andreja Astaševiča i Paŭła Biełaha.
Dalej hulnia viałasia ź pieramiennym pośpiecham, i na pierapynak ladovyja družyny pajšli ź likam 5:4 na karyść biełaruskaj kamandy.
U druhim pieryjadzie kamandy nie zmahli paradavać balelščykaŭ vialikaj kolkaściu hałoŭ. U samym pačatku hości zraŭnavali lik, a ŭ kancy druhoj dvaccaciminutki jon znoŭ staŭ ničyjnym — 6:6.
U trecim pieryjadzie i haspadary, i hości aktyvizavalisia. Spačatku kamanda Prezidenta zakinuła ŭ varoty sapiernikaŭ try šajby, zatym kamandzie haściej udałosia adyhrać dźvie šajby, ale ŭ vyniku ŭ matčy pieramohu śviatkavali biełarusy. Pry hetym dvanaccatuju šajbu ladovaja družyna prezidenta zakinuła ŭžo ŭ pustyja varoty, pakolki varatar kamandy «Lehiendy chakieja SSSR» na apošniaj minucie byŭ zamienieny na šostaha palavoha ihraka.
Usiaho ŭ chodzie matču Alaksandr Łukašenka staŭ aŭtaram adnaho hoła i zrabiŭ try halavyja pieradačy.
Peŭnuju admietnaść matču nadaŭ udzieł u składzie kamandy haściej čempijonki śvietu pa boksie Natalli Rahozinaj, jakaja tym nie mienš paśpiachova ŭdzielničała ŭ hulni i navat zakinuła šajbu. Pa vynikach matču razam z varatarom Uładzimiram Myškinym jana była pryznana lepšym ihrakom u składzie svajoj kamandy.
Lepšymi ihrakami ŭ składzie kamandy prezidenta nazvany Uładzimir Kopać i Andrej Kavaloŭ.
Hulnia adbyłasia na ladovaj arenie CHK «Junactva-Minsk» u parku Horkaha.
