U pasiołku Novaajdar Łuhanskaj vobłaści idzie boj pamiž siłavikami i sieparatystami.
Pra heta paviedamlaje kiraŭnik Kamiteta vybarščykaŭ Ukrainy Alaksandr Čarnienka ŭ Tvitary.
«U novaajdarskim rajonie zachapili 4 učastki. U samym Novaajdary idzie žorstki boj pamiž vajskoŭcami i sieparatystami», — napisaŭ jon.
Jak paviedamlaje Siarhiej Ivanoŭ u Facebook, «kala 16.00 terarysty na dvuch aŭtamabilach zajechali ŭ Novaajdar, ździejśnili napad na vybarčyja ŭčastki, vykrali biuleteni i pasprabavali ŭciačy».
«Vajskoŭcy, jakija dysłakujucca ŭ Novaajdary, puścilisia za imi ŭ pahoniu», — napisaŭ jon i dadaŭ, što prychilniki tak zvanaj «Łuhanskaj narodnaj respubliki» pačali adstrelvacca «i ŭ vyniku biazładnaj stralaniny rasstralali mirnych hramadzian».
«Jość infarmacyja ab adnoj achviary. Šmat paranienych. Niahledziačy na heta, našy sałdaty razzbroili i zatrymali zabojcaŭ ahulnym likam 7-8 čałaviek. Pravodzicca razhlad», — dadaŭ jon.
