Nastojlivaść, ź jakoj Rasija raptam pačała vystupać za padpisańnie hazavaha pahadnieńnia z Kitajem, sihnalizuje pra panikurasijskaha ŭrada i źjaŭlajecca śviedčańniem dziejsnaści sankcyj Zachadu suprać RF. Razam z tym hetaja ŭhoda ŭsio roŭna nie dapamoža Rasii paźbiehnuć pakutlivaha efiektu ad zachodnich sankcyj.
Takoje mierkavańnie ŭ redakcyjnym kamientary vykazała emirackaja hazieta Gulf News.
«Terminovaść hazavaha pahadnieńnia Pucina (z Kitajem. — Red.) adlustroŭvaje prykmiety paniki. Adnačasova, niahledziačy na heta pahadnieńnie, rasijskaja ekanomika pa-raniejšamu budzie adčuvać balučyja nastupstvy ad zachodnich sankcyj», — piša vydańnie.
Hazieta nahadvaje, što na praciahu bolš čym 10-hadovaj pracy Rasii i Kitaja nad hazavym kantraktam koštam 400 młn dalaraŭ «słova «terminova» vykarystoŭvałasia redka — kali naohuł kali-niebudź zhadvałasia». Rasija ŭžo daŭno źjaŭlajecca daminujučaj siłaj na rynku naftahazavaha ekspartu, tamu nikoli terminova nie mieła patreby pahadnieńnia z Kitajem. KNR, sa svajho boku, pryvitała b hazavaje pahadnieńnie, u pryvatnaści, u toj častcy, jakaja b dazvoliła kitajskim zachodnim rajonam pamienšyć zaležnaść ad vuhalu za košt hazu, ale tolki pa spraviadlivaj canie, adznačaje hazieta.
Tym nie mienš, adznačaje Gulf News, «paśla niadaŭnich palityčnych uzrušeńniaŭ va Ukrainie nieabchodnaść pahadnieńnia raptam stała vielmi aktualnaj — pa krajniaj miery, z rasiejskaha boku», a rasijski prezident asabista palacieŭ u Kitaj, kab pierakanacca, što pahadnieńnie budzie padpisana.
«Tady jak pazicyja Kitaja amal nie źmianiłasia, Rasii patrabavałasia pakazać, što lubyja sankcyi, uviedzienyja suprać jaje za ŭdzieł u padziejach va Ukrainie, buduć tolki atrutnaj pilulaj dla samich zachodnich krain», i na praciahu tydnia rasijskija ŚMI akcentavali svaju ŭvahu mienavita na hetym, piša vydańnie. Ale, na dumku haziety, «šmathałosnaje admaŭleńnie Rasiejaj taho, što sankcyi suprać jaje buduć mieć niekatory niehatyŭny ŭpłyŭ, miažuje z panikaj», i «navat z hetaj damovaj z Kitajem ekanomika Rasiei budzie, jak i raniej, pakutavać ad sankcyj, asabliva ŭ enierhietyčnym siektary». «Zamiest taho, kab pakazać rasijskuju ekanomiku jak ustojlivuju, lichamankavaje imknieńnie Pucina zaklučyć pahadnieńnie z Kitajem moža być sihnałam dla Zachadu, što sankcyi źjaŭlajucca pravilna abranaj zbrojaj», — reziumuje Gulf News.
