Dola impartnaha piva na ŭnutranym rynku Biełarusi ŭ pieršym kvartale 2014 hoda składała 30,1%, śviedčać źviestki aficyjnaj statystyki.
U studzieni—sakaviku hetaha hoda ŭ krainu było ŭvieziena 3,19 młn. dał impartnaha piva, u tym liku z Rasii 1,86 młn. dał. U paraŭnańni z anałahičnym letašnim pieryjadam pastaŭki impartnaha piva pavialičylisia na 18% u fizičnym vyražeńni, u hrašovym — nie źmianilisia.
Razam z tym abjom vytvorčaści biełaruskaha piva ŭ studzieni—sakaviku 2014 hoda skłaŭ 9,18 młn. dał i źniziŭsia na 2% u paraŭnańni z anałahičnym letašnim pieryjadam. Pry hetym na ekspart u pieršym kvartale 2014 hoda było pastaŭlena 1,76 młn. dał biełaruskaha piva.
Takim čynam, na ŭnutrany rynak u studzieni—sakaviku 2014 hoda pastupiła 7,43 młn. dał biełaruskaha piva i 3,19 młn. dał impartnaha.
Adpaviedna dola impartu na biełaruskim rynku piva ŭ takim ža pieryjadzie składała 30,1%.
Nahadajem, što 10 krasavika adbyłasia narada pa raźvićci pivavarnaj haliny ŭ krainie, padčas jakoj Alaksandr Łukašenka vykazaŭ nierazumieńnie nakont vysokaj doli impartnaha piva na biełaruskim rynku.
«Vy dumajecie, impartnaje piva lepšaje za naša i trucić i dalej płanujecie biełaruski narod? Čym adroźnivajecca impartnaje piva? Načyniena roznaha kštałtu smakavymi kampanientami i kansiervantami. Biełaruskaje piva — naturalnaje! U łaźni pyrśnicie impartnaje piva i ajčynnaje na kamni i paniuchajcie, čym heta ŭsio pachnie! Biełaruskaje piva — heta pach chleba, heta ŭsio žyvoje i naturalnaje!», — skazaŭ Łukašenka i daručyŭ zabaranić pradavać impartnaje piva na ŭnutranym rynku biez adpaviednych dazvołaŭ.
Paśla krasavickaj narady dziaržorhany rekamiendavali abjektam roźničnaha handlu pradavać vyklučna biełaruskaje piva. U suviazi z hetym padčas čempijanatu śvietu pa chakiei, jaki prachodziŭ u Minsku z 9 pa 25 maja, naviedvalniki mahazinaŭ adčuvali deficyt impartnaha piva na ŭnutranym rynku.
