U Biełarusi mohuć adpuścić zakupačnyja ceny na małako i miasa. Pra mahčymaść takoha kroku kiraŭnik dziaržavy Alaksandr Łukašenka zajaviŭ 27 maja na naradzie pa prablemach kormavytvorčaści i pavyšeńnia efiektyŭnaści žyviołahadoŭli, paviedamili ŭ pres-słužbie biełaruskaha lidera.
Łukašenka adznačyŭ, što zaraz prapanujecca adpuścić zakupačnyja ceny na małako i miasa, kab pierapracoŭčyja pradpryjemstvy mahli ŭ krainie zakuplać hetu pradukcyju ŭ lubym miescy.
«Chutčej za ŭsio, my na heta pojdziem. I tady ŭžo Dvornik z Kosincam i asabliva Šapira (staršyni abłvykankamaŭ) nie skažuć: nie, miasa ja tudy nie paviazu, tamu što mnie tut padatkaŭ nie budzie», — zajaviŭ kiraŭnik dziaržavy.
«Tamu kančajcie z hetaj udzielščynaj. Kankurencyja — heta śviatoje», — dadaŭ Alaksandr Łukašenka.
