U Respublicy Abchazija hramadska-palityčny kryzis. U centry Suchuma praciahvajecca narodny schod, apazicyi ŭdałosia ŭziać pad kantrol dziaržaŭnaje telebačańnie i budynak administracyi prezidenta Respubliki Abchazija (RA).
Kaardynacyjny saviet apazicyi (KSA) na čale z eks-premjeram Raulem Chadžymba zajaviŭ ab tym, što biare na siabie adkaznaść za kiravańnie krainaj. A prychilniki prezidenta Alaksandra Ankvaba źbirajucca na adnoj z centralnych staličnych płoščaŭ.
Kiraŭnictva siłavych viedamstvaŭ zajaviła ab padtrymcy prezidenta.
Sam Ankvab ŭ aŭtorak viečaram pakinuŭ Suchum i, jak miarkujecca, znachodzicca ŭ rajonie Hudauty.
U krainie faktyčna ustalavałasia dvojeŭładździe. Razam z tym i ŭłady i apazicyja zajavili ab svajoj hatoŭnaści da dyjałohu.
U sieradu, 28 traŭnia, u Abchaziju prybyli pamočnik prezidenta Rasii Uładzisłaŭ Surkoŭ i namieśnik sakratara Savieta biaśpieki RF Rašyd Nurhalijeŭ. U Suchumie rasijskija čynoŭniki praviaduć sustrečy z pradstaŭnikami ŭłady i apazicyjaj.
«Rasijski bok z uvahaj i tryvohaj sočyć za padziejami ŭ siabroŭskaj respublicy, ličyć važnym, kab hramadska-palityčnyja pracesy tam raźvivalisia vyklučna ŭ pravavym rečyščy»,— havorycca ŭ zajavie, raspaŭsiudžanaj MZS RF.
Narodny schod u Suchumie sabraŭsia ŭ aŭtorak, 27 traŭnia. Pavodle słovaŭ vidavočcaŭ, na płoščy pierad Dramatyčnym teatram było zvyš za 10 tysiač čałaviek.
«Vyjści na schod (dla Abchazii 10 tysiač čałaviek heta vielmi surjoznaja ličba) narod vymusili adrazu niekalki pryčyn.
Pa-pieršaje, heta masavaja razdača abchazskich pašpartoŭ žycharam Hałskaha, Tkuarčałskaha i Ačamčyrskaha rajonaŭ, jakija źjaŭlajucca adnačasova i hramadzianami Hruzii»,— zajaviŭ vydańniu «Lenta.Ru» adzin ź lidaraŭ apazicyjnaha mitynhu paet Uładzimir Zantaryja. Pavodle jaho słoŭ, «heta nanosić škodu nacyjanalnaj biaśpiecy krainy». «Na miažy z Hruzijaj pa race Inhury adkryta piać pamiežnych pierachodaŭ, tady jak z Rasijaj, jakaja nas pryznała, dziejničaje tolki adzin. Rašeńnie ab razdačy pašpartoŭ, adkaznaść za jakuju sprabujuć zvalić na kiraŭnikoŭ rajonaŭ, nie mahło prymacca biez sankcyi prezidenta».
Nie byli taksama ŭličanyja i patrabavańni kaardynacyjnaj rady apazicyi, kudy ŭvachodziać 11 partyj, ab farmiravańni ŭrada narodnaha davieru. «Pavinna być praviedzienaja reforma, jakaja zabiaśpiečvaje padzieł paŭnamoctvaŭ pamiž prezidentam i parłamientam.
Vielmi ciažkaja situacyja ŭ ekanomicy. Za ŭsie hady nie było stvorana ni adnaho dziaržaŭnaha pradpryjemstva pry aficyjnym uzroŭni biespracoŭja ŭ 71 pracent.
Karupcyja pahražaje dziaržaŭnaj biaśpieki. Na Ankvaba jak vychadca z MUS ŭskładalisia nadziei na žorstkuju baraćbu sa złačynnaściu, adnak situacyja žachlivaja i vyklikaje zaniepakojenaść hramadskaści», — ahučvaje pretenzii apazicyi Uładzimir Zantarija.
U sieradu, 28 maja Narodny schod Abchazii pryniaŭ zvarot, u jakim zaklikaŭ kiraŭnictva krainy i ŭsie palityčnyja siły respubliki da kanstruktyŭnaha dyjałohu «ŭ metach zachavańnia ahulnanacyjanalnaha zhody i stabilnaści ŭ dziaržavie.
