29-hadovy mužčyna napaŭ na žančynu la kramy ŭ Baraŭlanach i niekalki razoŭ udaryŭ jaje nažom. Paciarpiełaja praz hadzinu pamierła ŭ reanimacyi.
Złačynstva na vačach u šmatlikich śviedak adbyłosia 28 maja kala 16.00 u ahraharadku Lasny Minskaha rajona. 41-hadovaja žančyna, miedsiastra «Minskaj abłasnoj kliničnaj balnicy», viartałasia z pracy dadomu, kali kala ŭniviersama na vačach u šmatlikich śviedak i vidavočcaŭ na jaje napaŭ małady čałaviek.
«29-hadovy žychar Łahojskaha rajona nanios žančynie šmatlikija kołata-rezanyja ranieńni (pa dadzienych ekśpiertaŭ, nie mienš za 11 ran roznaha charaktaru), ź jakimi paciarpiełaja była dastaŭlena ŭ balnicu, dzie praz hadzinu pamierła», — raspaviała aficyjny pradstaŭnik Śledčaha kamiteta Respubliki Biełaruś pa Minskaj vobłaści Taćciana Biełanoh.
Padazravany byŭ zatrymany na miescy złačynstva. «U bližejšy čas zatrymanamu budzie pradjaŭlenaje abvinavačvańnie pa p.6 č.2 art.139 KK RB (zabojstva, učynienaje z asablivaj žorstkaściu ) i ŭžytaja miera strymańnia ŭ vyhladzie zaklučeńnia pad vartu «, paviedamili ŭ USK.
Sankcyi pa hetym artykule praduhledžvajuć pazbaŭleńnie voli ad 8 da 25 hadoŭ, pažyćciovaje źniavoleńnie abo śmiarotnaje pakarańnie.
