Kamisar Jeŭrapiejskaj kamisii pa pytańniach enierhietyki Hiunter Etynhier ličyć prymalnaj canu rasijskaha hazu dla Ukrainy ŭ miežach ad 350 da 390 dalaraŭ za tysiaču kubamietraŭ zamiest dziejnaj z druhoha kvartała cany ŭ 485 dalaraŭ.
Pra heta paviedamlaje ahienctva RAR sa spasyłkaj na zajavu kamisara na radyjo Deutschlandfunk.
«Heta razumnaja cana», — skazaŭ Etynhier.
Zhodna z paviedamleńniem polskaha ahienctva, kamisar taksama zaklikaŭ Ukrainu vykanać umovy apublikavanaha ŭ hety paniadziełak kampramisnaha rašeńnia, jakoje praduhledžvaje pahašeńnie 2,5 młrd dalaraŭ zapazyčanaści za haz da 7 červienia.
2 młn dalaraŭ Ukraina pavinna była zapłacić «Hazpromu» da kanca dnia 29 maja.
Ministr enierhietyki Rasii Alaksandr Novak, słovy jakoha cytuje RAR, zajaviŭ siońnia, što ŭkrainskaja ŭłada da kanca ŭčorašniaha dnia nie pieraličyła nijakich srodkaŭ u košt pahašeńnia zapazyčanaści.
Jak paviedamlaŭ UNIAN, siońnia ŭ Bierlinie projdzie ŭžo treci raŭnd trochbakovych pieramovaŭ Ukrainy, Rasii i ES na ŭzroŭni ministraŭ enierhietyki, padčas jakich baki pasprabujuć vyrašyć sprečnyja pytańni.
Ukrainskaja ŭłada patrabuje ad «Hazproma « viarnuć canu rasijskaha hazu na ŭzroŭni 268,5 dalaraŭ, jakaja dziejničała ŭ pieršym kvartale biahučaha hoda, i pahražajuć padać u sud na rasiejcaŭ u vypadku kali jany hetaha nie zrobiać. Kiraŭnik uradu Arsień Jacaniuk davaŭ čas dla padpisańnia damovy ab źnižeńni cany na haz da 29 maja.
Rasija zajaŭlaje, što hatovaja da pieramovaŭ z Ukrainaj ab źnižeńni cany na haz, kali jana apłacić choć by častku hazavaj zapazyčanaści, pamier jakoj na pačatak maja aceńvajecca ŭ 3,5 młrd dalaraŭ.
Jeŭrapiejski sajuz, jaki atrymlivaje kala pałovy rasijskaha hazu praz terytoryju Ukrainy, zaniepakojeny mahčymymi prablemami z pastaŭkami paliva z-za sprečki ŭkrainskim i rasiejcaŭ, jakija ŭ hetym miesiacy ŭpieršyniu ŭ historyi pieraviali pastaŭki hazu va Ukrainu na sistemu pieradapłaty i abiacajuć adklučyć haz, kali ŭkrainskaja ŭłada da 2 červienia nie apłacić rachunak za červieński abjom hazu ŭ 1,7 młrd dalaraŭ.
